VOV4.M’nông: Tổng thống Nga V. Putin lơ 30/5 mbơh, Nga mra pơk trong nơih ueh ngăn ân nau tăch luh ndơ tuch tăm tuh, mbo, bum play bah Ukraina đah nau rgop kơl bah Thổ Nhĩ kỳ. Nau ton lah geh ndơ̆ luh tâm rnôk tâm kuăl điện thoại tâm nchră đah Tổng thống Thổ Nhĩ Kỳ Tayip Erdogan. Tâm rơh kuăl điện tâm nchră đah Tổng thống Thổ Nhĩ kỳ, Tổng thống Nga Putin nkah lah, Nga mra dơi tăch luh âk ngăn phân poh ndrel ndơ sa lah geh ăp nau mhal đah Nga geh jut jăng lơi. Nga ndrel Ukraina geh 29% rnoh ndoh ndơ tăch luh tuh, mbo, bum play lam ntur neh, ngăn lah bah Biển Đen ndrel geh tât 80% tăch luh rƀŏng trong tât lam ntur neh. Ukraina kŏ lah dak tăch luh âk mbo ngăn. Nga dôl ma tât tâm yan klih, pâk tâm năm aơ, đah rnoh ndih ndơ geh tăch luh mra geh nchuăn rdeng luh bah ăp mpông dak lêng tâm Biển Đen bah Nga./.

Nŭih rblang: H’Thi