VOV4.M’nông- Tổng thống Iran Ebrahim Raisi mhe geh mbơh: Nghị quyết njrăng rdâng Iran bâh ntŭk kan ŭnh nar nguyên tử quốc tế IAEA mbơh ta khay 6, lĕ ƀư khuch tât nău knơm chính trị. Ta rơh tâm chră đah nuĭh tâm ban nău kan Pháp Emmanuel Macron ntoch jong bar mông, Tổng thống  Raisi an lah nghị quyết aơ gay ma ƀư jêng nău jêr an ngih dak Iran. Tổng thống Raisi nhŭt dôih Mỹ n’hanh pe dak kan ndrel châu âu geh Anh, Đức n’hanh Pháp- ăp ngih dak lĕ nchih rgum nghị quyết n’hanh geh nău mĭn kan, trong kan mô geh nău rdâk njêng. Wa Raisi an gĭt Iran kanơm an lah mbra dơi geh nău tâm ton lah ăp nău geh doh rklaih lĕ rngôch, ăp ding êng geh mât đăp mpăn đah nău tâm ton kan bâh nău tâm ton n’hanh nău geh mpeh wăng sa bâh Iran geh mât rbăy. Mpeh đah nơm, Tổng thống Pháp lah na nê̆ nău kan khlăy bâh Iran tâm ăp trong kan chính trị ta nkual. Pháp mbra geh nsrôih tay gay ma ăp rơh tâm nchră hạt nhân geh săk rnglăy na nê̆.

Nuĭh rblang: Thị Đoắt