VOV4.M’nông: Nthoi tay ăp nau mhal đah Nga, Nhật Bản hŏ ntrŭnh neu mô ân bơi tât 300 ntil ndơ ndrel nau kan tâm rmôt ntil ndơ mô ân geh tăch tât Nga ndrel Belarus gay ma njrăng rdâng ăp dak aơ n’hao nau leo tâm lơh. Tĭng n’gâng kan văng sa tăch rgâl ndrel Công nghiệp Nhật Bản, nau mô ân tăhc luh geh 266 ntil ndơ kơt lah chất bán dẫn, ndơ dŏng nkoch mbơh nau, ndơ dŏng nkra njêng mhe, ndrel nê lah 26 nau kan công nghệ geh ăp bôk nau kan ê nkra ân ngih máy nkra chip. Nau đă aơ geh nau tam ntơm lơ 18/3. N’gâng kan aơ mbơh tay, nau kan tăch ndơ trih dak pring ndrel ăp ntil ndơ êng geh tât gay ma tăch tât Nga kŏ mô hôm geh ân. Năm 2021, tăch luh ndơ bah Nhật Bản tât Nga geh nklăp 72 rmen đola, đah ăp ntil ndơ âk ngăn lah ndơ dŏng nchuăn rdeng ndrel ndơ dŏng ndeh têh./.

Nŭih rblang: H’Thi