VOV4.M’nông: Chính phủ Nhật Bản mra uănh nau rgala mhe Chính phủ ndrel nau rđau rgâl du đê̆ nŭih kan gưl prêh bah đảng liên minh mât bôk Tự do Dân chủ (LDP). Lah nau ntrŭnh aơ geh ndŏ luh ri rơh ƀư nau kan nchrăp mra geh ƀư tâm n’gul bôk khay 9. Đah nau ŭch geh nau dơi têh tâm nau săch kan thượng viện mhe rlau, Đảng LDP ŭch mra lŏ mât nau dơi du ntrong jŏ jong, ƀư nau kan kơl an Chủ nghĩa tư bản mhe, nau ntrŭnh rdâng đah nau rnoh ndoh ndơ hao khlay. Nkô̆ nau ƀư nau rgâl mhe Chính phủ nchrăp mra geh ƀư tâm n’gul bôk khay 9 yor lah tâm dŭt khay 9, ăp nau kan têh bah neh dak mra geh mro kơt lah nau ƀư nkah bah lam dak mpeh nau tă khĭt bah drâu Thủ tướng Abe Shinzo, Thủ tướng Kishida Fumio mra râng rơh rƀŭn hun hao Châu Phi tâm 2 nar 27-28/9./.

Nŭih rblang: H’Thi