VOV4.M’nông: N’gâng kan neh dak Nhật Bản lơ 4/8 mbơh, phao ŭnh bôk ndrak tâm ăp rơh ntĭm nti tahen bah Trung Quốc hŏ tŭp tâm nkuăl văng sa bah Nhật Bản. Ngăn lah, phao ŭnh tŭp mpeh ba dâng gôl dak Ha-te-rư-ma, ta n’gor Ô-ki-na-oa bah ba dâng Nhật Bản. Kruanh n’gâng kan neh dak Nô-bư-ô Ki-shi hŏ nduih lah nau pănh phao ŭnh lah du nau kan khlay, khuch tât nau đăp mpăn bah Nhật Bản ndrel nau ueh lăng bah nŭih ƀon lan. Kruanh n’gâng kan nchră nau Nhật Bản Ha-ya-shi Yô-shi-ma-sa đă Trung Quốc nsrŭng nkre nau ntĭm nti tahen pănh ndrak ngăn êp Đài Loan. Kŏ tâm lơ 4/8, Ntŭk kan bah Tổng thống Mỹ nduih lah Trung Quốc păng 11 phao ŭnh êp Đài Loan ndrel lah rjăp ăp nau joi nau bah Trung Quốc lah nau kan ƀư n’hao nau duh janh./.

Nŭih rblang: H’Thi