VOV4.M’nông – Chính phủ Nhật Bản lĕ an đă Kruanh N’gâng kan nchră nău Yoshimasa Hayashi tât Tunisia đah nău ƀư lah Đặc phái viên bah Thủ tướng Kishida Fumio, râng rƀŭn nchră lam ntŭr neh Tokyo rơh tal 8 mpeh Hun hao Châu Phi mbra ƀư tâm 2 nar 27-28/8. Thủ tướng Kishida Fumio lĕ an ntlơi rơh khâl tât Tunisa yor ntưp đah Covid-19. Yơn lah, pơng mbra geh nău ntoh ngơi trực tuyến ta nău ƀư. Nchrăp, thủ tướng Nhật Bản mbra mbơh ntuh kơl an nuĭh kan ta Châu Phi đah nău ton ntuh kơl ntĭm nti tay nuĭh gĭt blău an nklăp 300.000 nuĭh tâm 3 năm tât, dŭt âk tâm nău kan lŏ mir n’hanh dak si. Ta rƀŭn nchră rơh aơ Nhật Bản ŭch an tât 5 rmen đôlar tâm 3 năm gay ntop kơl hun hao ntung trong ngih wâl ta Châu Phi n’hanh dôl uănh tay ntuh kơl nklăp 4 rmen đôlar an ŭnh nar nkra njêng n’hanh ăp nău kan êng geh tât.

Nŭih blang: Y Sưng Phê Ja