VOV4.M'nông: Hãng tin Reuters nkoch nău lư, chính phủ Nhật Bản dôl geh trong nchrăp ƀư du rơh tâm nchră đah nuĭh tơm rnon Sri Lanka, gay kơl dak Nam Á dja nkra rơh duh jêr phăn rnon. Nar 24/8 Prăk nkrem dak bah dih (IMF) hŏ mâp Tổng thống Sri Lanka Ranil Wickremesinghe gay tâm nchră mpeh rnoh kơl, tâm nê geh dăp rgum tay rnon nklăp 29 rmen đôlar. Pơh bah năp nơh, Tổng thống Ranil Wickremesinghe an gĭt đŏng, geh trong nchrăp dăn Nhật Bản leo ăp ăp rơh tâm nchrăp mpeh dăp rgum tay rnon bar ding, lôch rnôk dak dja đăp mpăn dơi ntop kơl bah Prăk nkrem lam ntŭr neh. Nhật Bản aƀaơ lah tơm rnon tâl 2 bah Sri Lanka. Nău ƀư ăp rơh tâm nchră mô dơn ƀư gay Nhật Bản sŏk mplơ̆ tay rnoh manh 3 rmen đôlar, ma hôm geh tâm boh tâm nkual đŏng./.  

Nuĭh rblang: Điểu Thân