VOV4.M’nông: Tâm rnôk nau duh jêr tâm gôl dak Triều Tiên hao hô yor ăp nau nsŭk đă phao ŭnh mro bah Triều Tiên ndrel dak aơ geh nau nchrăp ân ăp nau rlong ndrak nsiu tal 7, 3 dak Hàn Quốc, Mỹ ndrel Nhật Bản dôl ma ndal ƀư n’hao nau tâm rgop tâm nchră nau tâm khay 6 tât. Pơk bôk ân ntrong kan tâm nchră Hàn-Mỹ-Nhật mra lah nau rgum rƀŭn bah ăp rđau kan ƀư nau kan ndrak nsiu bah 3 dak nchrăp ƀư ta Thủ đô Seoul lơ 3/6. Nkô̆ nau tâm nchră nau kan geh rdâng đah nau joi nau mro bah Triều Tiên. Bah năp, n’gâng kan nchră nau bah 3 dak Hàn Quốc, Mỹ ndrel Nhật Bản hŏ ntoh nau lah nsum nduih ngăn nau kan pănh phao ŭnh bah Triều Tiên, tâm ban nau n’hao tâm boh 3 ding tĭng trong mô hôm ndrak nsiu tâm gôl dak Triều Tiên, nkre lah rjăp nau kan tâm nchră mô kâp nchâp đă đah Triều Tiên, kuăl jă dak aơ plơ̆ tay nau tâm nchră./.

Nŭih rblang: H’Thi