VOV4.M'nông: Nar 16/8, Bộ trưởng Quốc phòng Nhật Bản Hamada hŏ geh rơh kuăl điện tâm nchră lor bôk năp đah Bộ trưởng Quốc phòng Mỹ Lloyd Austin. Ta rơh kuăl điện tâm nchră, 2 kruanh rđău kan hŏ tâm ban ŭch n'hao dăng lơh mbram n'hanh plơng lơh ma tahen tâm rgop Nhật-Mỹ, nkre mât n'hanh rdâk têh du “Ấn Độ Dương-Thái Bình Dương dah rŏng n'hanh pơk hvi.” Bar ding hŏ nduih lah hô nău Trung Quốc pănh grăp ŭnh lot ngai tâm rơh nti tahen tâm nar 4/8 mhe aơ n'hanh du gâl tâm rnoh nê tŭp tâm mpeh n'har dak lêng wăng sa bah Nhật Bản, rlău ma nê tâm ban ŭch an lah Nhật Bản n'hanh Mỹ mbra kan nsum lhăt gay rdâng lơh đah ăp nău tât tâm nkual. Geh tât nkô̆ nău hạt nhân grăp ŭnh bah Triều Tiên, bar Bộ trưởng tâm ban ŭch mpeh nău khlay bah tâm boh njrăng n'gang neh dak đah tahen tâm rgop Nhật Bản-Mỹ-Hàn Quốc.

Nuĭh rblang: Điểu Thân