VOV4.M’nông-Tâm âk rơh pah kan chính trị ndal ta nar 3/4, Tổng thống Pakistan Arip Anvi lĕ geh mbơh nchrai ntŭk kan Quốc hội dak aơ, nchrăp an rơh săch kruanh tâm lam dak tâm 90 nar. Nău kan aơ geh ƀư lôch rơh nklăch phiếu mô geh nău knơm đah Thủ tướng Imran Khan yor mpeh tâm rdâng leo ƀư ta Quốc hội geh dun yor nkô̆ nău êng. Đah nău ntrŭnh aơ, du rơh săch kruanh lĕ rngôch mbra geh ƀư ta Pakistan tâm 90 nar tay. Ăp nău tât mpeh chính trị dŭt ngăch n’hanh ndal ƀư an ntŭk pah kan bâh Pakistan rgâl tâm ê hŏ tŏng 24 mông. Nău kan chính trị bâh Thủ tướng Pakistan Iran Khan jêng geh âk nău tât tâm ăp pơh ba năp lôch păng hăn kơl nđâp ma Hạ viện Quốc hội n’hanh mpôl kan tahen âk nău dơi kan.

Nuĭh rblang: Thị Đoắt