VOV4.M'nông: Tâm nchră Ngoại trưởng Rmôt ăp jâng wăng sa hun hao n'hanh mhe ntoh dâk bôk năp lam ntŭr neh (G20) ôi 8/7 ntơm pơk ta Bali Indonesia đah nkô̆ “Ndrel rdâk njêng du lam ntŭr neh bah tâm lơh tâm su, đăp mpăn n'hanh têh ndrŏng lơn". Ƀư tâm rnôk lam ntŭr neh ât rdâng đah âk ntul rlong kơt tâm lơh tâm su, hao khlay  ndơ, duh jêr ŭnh nar, ndơ ngêt sa...dak tơm jay Indonesia mpŏng Tâm nchră mbra lah "chông ŭnh chrang" sol ăp trong nkra an ăp nkô̆ nău khlay jăch ndăn lam ntŭr neh aƀaơ. Đah nău ƀư lah Kruanh G20 năm 2022, Indonesia an lor tâm boh gay n'hao dăng tâm n'guăk dak si lam ntŭr neh, rgâl kỹ thuật mbrô n'hanh rgâl dŏng ŭnh nar. Ntul rlong lam ntŭr neh ân geh du trong nkra lam ntŭr neh, yơn ăp dak dơn ngăn đŏng jêr jŏt joi nău tâm ban ŭch dak bah dih gay nkra ăp ntul rlong dja. Tâm nchră G20 nar aơ rgum tâm bar rơh tâm rkhăch. Bôk năp  mpeh n'hao dăng trong kan âk ding, tâm rkhăch ăp  njuat hăn gay n'hao dăng tâm boh lam ntŭr neh, rdâk njêng  nuih n'hâm tâm nsing nơm nsum đah ăp dak gay njêng luh ntŭk gŭ rêh dơh uĕh an đăp mpăn, bah tâm lơh tâm su n'hanh hun hao bah lam ntŭr neh. Rơh hop tâl bar mpeh rnă njrăng ndơ ngêt sa n'hanh ŭnh nar./.

Nuĭh rblang: Điểu Thân