VOV4.M'nông: Ôi 1/8, ta thủ đô Phnompenh bah Campuchia, hŏ ntơm pơk tâm nchră Kruanh gưl têh (SOM) ăp dak ASEAN nchrăp an Tâm nchră Bộ trưởng Ngoại giao ASEAN (AMM) tâl 55. Ta rơh hop SOM ASEAN, ăp nuĭh ntơh măt hŏ tâm nchră na nê̆ n'hanh tâm ban ŭch bôk nău kan nchrăp lor, bôk nău kan bah ăp Tâm nchră Bộ trưởng Ngoại giao tâl 55. Rơh hop AMM rơh dja geh nkô̆ dŭt khlay, mô  dơn lah rơh nău kan gưl Bộ trưởng Ngoại giao têh kuâng n'hanh dŭt khlay tâm năm, ma aơ hôm lah lor bôk năp Bộ trưởng Ngoại giao ăp dak ASEAN n'hanh bơi 20 dak tâm boh rgum hop na nê̆ ta nkual lôch pe năm geh tăch pruăt tă bah COVID-19. Tâm 4 nar tât, Bộ trưởng Ngoại giao ASEAN n'hanh ăp dak tâm boh mbra râng rlău 20 nău kan tâm trôm bôk nău kan ASEAN, ASEAN+1, ASEAN+3, Gưl têh Đông Á (EAS) n'hanh Rgum nchră wăng sa Nkual ASEAN (ARF).

Nuĭh rblang: Điểu Thân