VOV4.M'nông: Nar 13/5, Tổng thống Mỹ Joe Biden lah rjăp, tâm nchră gưl têh lor bôk năp ta Washington đah ăp kruanh tât bah Hiệp hội ăp dak Đông Nam Á hŏ ntơm bah du "rơh mhe" tâm boh đah Mỹ -ASEAN. Aơ lah lor bôk năp ăp kruanh rđău kan hiệp hội 10 dak Đông Nam Á rgum hop ta thủ đô Oa-sinh-tơn n'hanh lah rơh hop gưl têh lor bôk năp đah kruanh rđău kan Mỹ ta neh Mỹ tâm 6 năm aơ. N'gâng kan bah Tổng thống Biden mpŏng nău nsrôih dja mbra an saơ Mỹ hôm rgum tâm Ấn Độ Dương - Thái Bình Dương, ndơ̆ luh trong uănh jong mpeh du nkual đăp mpăn, dah rŏng, pơk hvi, têh ndrŏng, nâp jŏ n'hanh rnă njrăng. Bah năp nê, Groi Tổng thống Mỹ Kamala Harris lah rjăp đŏng, Mỹ n'hanh ASEAN tâm nkoch trong uănh jong mpeh nkual, nkre ton bar ding mbra ndrel njrăng n'gang lor bah năp ăp nău ntêt nkri đah ăp nău way n'hanh di rnoh lam ntŭr neh./.

Nuĭh rblang: Điểu Thân