VOV4.M'nông: Groi Thủ tướng , Bộ trưởng bộ Ngoại giao n'hanh tâm boh dak bah dih Campuchia wa Prak Sokhonn nkre ƀư nuĭh đă hăn kan ASEAN an gĭt: Trong hăn tât đăp mpăn ta Myanmar hŏ geh du đêt njuat hăn n'hanh mbra pơk du trong hăn mhe, lôch hăn khâl dak dja tâl bar bah păng tâm pơh bah năp nơh. Tâm rơh hop báo ta thủ đô Phnom Penh mpeh lôch jêh hăn khâl Myanmar tâl bar, nuĭh đă hăn kan ASEAN, Groi Thủ tướng nkre Bộ trưởng bộ Ngoại giao n'hanh tâm boh dak bah dih Campuchia wa Prak Sokhonn  an gĭt, păng hŏ mâp n'hanh pah kan đah du đêt ding geh tât gay ƀư tâm nchră. Tâm nê, wa Ye Pyae, Kruanh Ủy ban Tâm rnglăp rnoi nuĭh n'hanh nta trong dơh đăp  mpăn (NSPNC) Myanmar lah rjăp, Hội đồng Hành chính Ngih dak (SAC) Myanmar ŭch pơk hvi nuĭh râng tâm nchră. Wa Prak Sokhonn an lah, aơ lah du nău mpơl uĕh, pơk luh du trong hăn mhe mpeh tât rơh tâm nchră./.

Nuĭh rblang: Điểu Thân