VOV4.M'nông: Ta Pháp, duh hô n'hanh kro phang ntoch jong ƀư ăp rơh ŭnh sa bri ntưp rêng lam hvi ta âk n'gor, nkual ƀon têh, ŭnh sa bri hvi rlău 10 rbăn ha kơp ntơm bah bôk pơh. Uỷ ban châu Âu nar 11/8 hŏ pơk dŏng trong kơl, rgum tay âk mpôl hăn n'hanh ndeh rklư gay kơl Pháp ơm puh n'hât ŭnh sa bri. Tât kêng măng ngo nar 11/8, lam dak Pháp hôm năl geh ăp ntŭk ŭnh sa bri têh ta 6 n'gor đŏng. Tĭng nău nchroh bôk năp, hŏ geh lĕ rngôch 10.000 ha bri ta Pháp hŏ geh ŭnh sa kro kơp ntơm bah bôk pơh. Êng ta n'gor Gironde, chông ŭnh hŏ hŭt kro  7.400 ha bri, n'hao lĕ rngôch rnoh bri geh roh lĕ ma rơh ŭnh sa bri đah aƀaơ nklăp 1 khay lah rlău 30.000 ha. Mpôl kan kơl puh n'hât hŏ njêng nkual mpă hvi tât 40km gay nking bah chông ŭnh ƀoh tât ăp nkual wăr kiău ma. Rlău 10.000 nuĭh gŭ rêh tâm nkual hŏ hăn ntrơn du tâl 2 tâm rlău 1 khay aơ./.

Nuĭh rblang: Điểu Thân