VOV4.M’nông- Tâm nău ntoh ngơi bôk năp ta năp Quốc hội nar 25/7, Tổng thống Philipin Ferdinand Marcos Jr lĕ ton mbra nsrôih ntrôl dăng hun hao wăng sa bol ma geh ăp nău jêr jŏt tâm trôm n’hanh bah dih geh tât nău mô ueh tât n’gâng kan wăng sa neh dak. Păng lĕ ngluh mbơh nkô̆ mpŏng ŭch hun hao bâh Philipine tâm năm aơ ta rnoh 6,5 tât 7,5%. Tổng thống Măc côt mbơh mbra ndơ̆ Philipine jêng ntŭk tât bâh ăp nuĭh ntuh kơl dak bah dih n’hanh ơm rgâl mhe trong kan sŏk soăy. Tổng thống Philipine ton chính phủ mbra geh âk nău nsrôih kơl an tâm di, ngăn lah đah n’gâng kan tuch tăm bâh ăp rnoh manh prăk kon đê̆. Chính phủ lĕ geh uănh n’hêl mbra dơi kơl rnoh khlay an du đê̆ nău kan, ngăn lah mât đăp mpăn rnoh khlăy bâh du đê̆ ntil ndơ dŏng khlay gay ma bah hao khlăy ir.

Nuĭh rblang: Thị Đoắt