VOV4.M'nông: Bộ Giao thông Vận tải Philippines mhe mbơh hŏ plơ̆ nthoi tay tâm nchră mpeh ăp nău nchrăp ƀư ntung trong têh tă bah Trung Quốc kơl. Bộ trưởng Giao thông Vận tải Philippines Jaime Bautista n'hanh Đại sứ Trung Quốc ta Manila Hoàng Khê Liên mhe geh rơh tâm mâp gay tâm nchră nău nthoi tay an ăp nău nchrăp ƀư trong loih têh tă bah Trung Quốc kơl, lĕ ma trong loih gưl neh dak mpeh bah dâng PNR, Trong nchrăp Mindanao n'hanh trong loih Subic – Clark.  Tĭng Bộ Giao thông Vận tải Philipines, ndơ kơl bah chính phủ Trung Quốc an ăp trong nchrăp kan dja mbra "rdâk tay trong tâm boh bar ding n'hanh n'hao têh tâm boh đah Philippines n'hanh Trung Quốc". Ta rơh mâp bar ding tâm nchră mpeh du đêt trong nchrăp kan tâm boh nchuăn rdeng dak lêng Trung Quốc- Philippines đŏng, lơn lah trong ôp duh ndal n'hanh ăp nău tâm ton tâm boh mpeh ăp nkô̆ nău tâm di đah Cảnh sát dak lêng Philippines n'hanh Cảnh sát dak lêng Trung Quốc.

Nuĭh rblang: Điểu Thân