VOV4.M’nông-Ăp dak phương Tây rƀŭn nchră ta thủ đô  Côpenhagen bâh Đan Mạch tâm nar 11/8 lĕ dơn ngoăy  mbra kơl pă tay an Ukraine du rnoh kơl an tahen mhe đah rnoh khlăy 1,5 rmen euro gay ma kơl an dak aơ tâm rdâng đah nău tâm rkeh Nga- Ukraine. Tĭng nău ntrŭnh geh kruanh n’gâng kan mât rnă njrăng ngih dak 26 ngih dak phương Tây ndơ̆ mbơh ta rơh rƀŭn nchră geh ƀư ta thủ đô Copenhagen bâh Đan Mạch tâm nar 11/8, rnoh kơl tahen mhe đah rnoh khlăy 1,5 rmen euro ma ăp dak phương Tây pă an Ukraine mbra geh dŏng gay ma rvăt năp tay ăp ntil phao blêu, grăp phao ŭnh, ndrak nsiu an tahen Ukraine, n’hao nău dơi pah kan mât njrăng ngih dak ta Ukraine, ntĭm nti tahen an tahen Ukraine tâm ban kơt ƀư uănh năl bom mìn ta ăp nkual geh tâm lơh ta ngih dak aơ.

Nuĭh rblang: Thị Đoắt