VOV4.M'nông: Wa Indunil Yapa - nuĭh ntơh ngơi Quốc hội Sri Lanka an gĭt: Tổng thống Gotabaya Rajapaksa hŏ ndơ̆ si ƀŭt dăn n'glơh tŭp êng nău kan ma thư điện tử tâm măng 14/7. Tĭng hiến pháp Srilanka, nău n'glêh an rlu kan bah tổng thống dơn geh nău tam lôch rnôk kruanh quốc hội dơn si ƀŭt bah kruanh mât bôk neh dak dơm. Jêng, Kruanh Quốc hội Sri Lanka Mahinda Yapa Abeywardena hŏ đă dơi uănh si ƀŭt tơm bah Tổng thống Rajapaksa. Nău lư mpeh nău Tổng thống Rajapaksa njuăl si ƀŭt dăn rlu kan ƀư nuĭh ƀon lan ta thủ đô Cô-lôm-bô bah Sri Lanka rhơn n'hanh rgum hăn bah dih nhih pah kan tổng thống. Ăp nhih pah kan chính phủ geh pit in, lĕ ma Nhih pah kan Tổng thống n'hanh ntŭk gŭ kan Thủ tướng hŏ dơi nuĭh ƀon lan mplơ̆ tay an cảnh sát tâm măng 14/7. Quốc hội Sri Lanka nchrăp mbra n'hao du Tổng thống mhe tâm nar 20/7.

Nuĭh rblang: Điểu Thân