VOV4.M’nông: Tâm rnôk kuăl điện tâm nchră lơ 21/8, Thủ tướng Anh Boris Johnson ndrel ăp rđau kan ăp dak Mỹ, Pháp, Đức hŏ lah rjăp nau khlay bah nau kan đăp mpăn ân ăp ntŭk kan ndrak nsiu tâm Ukraine, nkre kuăl jă ân nkân ăp nau kan tahen êp ngih máy điện ndrak nsiu Zaporizhzhia. Rđau kan ăp ding kŏ kuăl jă ân ăp nŭih ƀư nau kan mêt uănh đăp mpăn êng bah Ntŭk kan ŭnh nar ndrak nsiu lam ntur neh (IAEA) ƀư “rơh hăn khâl gleh nar” tât ngih máy ndrak nsiu Zaporizhzhia. Bah năp nê, Tổng thống Pháp mbơh, Tổng thống Nga Vladimir Putin hŏ tâm ban nau đah ăp nŭih ƀư nau kan mêt uănh bah IAEA mra dơi tât ngih máy ndrak nsiu gay ma mêt uănh. Zaporizhzhia lah ngih máy ndrak nsiu têh ngăn tâm Châu Âu. Ngih máy dôl tâm nau mêt uănh bah Nga ntơm khay 3 mhe rlau. Yơn lah, tâm ăp nar êp aơ, nkuăl aơ hŏ geh âk nau rdôl lơh, ƀư jêng nau rvê mpeh du nau tŭp khuch ngăn mpeh nau kan ndrak nsiu kơt ta Chernobyl./.

Nŭih rblang: H’Thi