VOV4.M’nông - Rgum mpla tăch rgâl Việt-Lào (VIETLAO EXPO) năm 2022 mbra ƀư bah nar 25 tât 29/8 đah âk nklăp 250 ndrơng ndơ nkoch mbơh ndơ tăch. Aơ lah nău ƀư ntrŭt ngăch tăch rgâl yor N’gâng kan Công thương Việt Nam n’hanh N’gâng kan Công thương Lào ƀư ăp năm ta Thủ đô Vientiane. Rgum mpla gay n’hao tâm boh kan ndrel tăch rgâl Lào-Việt Nam nar lơ pơk hvi, nta an ăp doanh nghiệp, nuĭh tăch bah 2 dak geh rơh tâm rgâl nău blău ơm, nkoch mbơh ndoh ndơ, tât ntrŭt tâm rgâl, tăch ndoh ndơ âk lơn. Rgum mpla tăch ndơ mbra jêng ntung nthoi săk rnglăy an ăp rmôt tăch rgâl, nuĭh nkra njêng, ntuh kơl Việt Nam n’hanh Lào mâp tâm rgâl nău blău ơm, jao an công nghệ, ntuh kơl, tăch rgâl 2 dak.

Nuĭh rlang: Y Sưng Phê Ja