VOV4.M’nông - N’gâng kan nchră nău Trung Quốc lĕ tâm rgop đah du đêt ntŭk mĭn njêng bah Trung Quốc ƀư Rgum nchră nkah gĭt 20 năm Mbơh mpeh nău tâm uănh abh ăp ding ta Biển Đông (DOC) (2002-2022) tĭng trong ƀư trực tuyến. Râng rƀŭn nchră geh du đêt Kruanh n’gâng kan, tă ƀư Kruanh N’gâng kan nchră nău ASEAN, ngăn lah ăp nuĭh tă râng ký DOC năm 2002, kơt ăp học giả tât bah Trung Quốc n’hanh ăp dak ASEAN. Ntoh ngơi ta Rgum nchră, Kruanh N’gâng kan tâm rnglăp nchră Trung Quốc Vương Nghị an lah đăp mpăn ta Biển Đông lah nău bôk năp bah hun hao ta nkual, dăn đă ăp ding mât tay đăp mpăn, kan ndrel ta dak lêng, ntrôl tâm nchră, ơm geh du kôp tâm ton tâm uănh ta Biển Đông ngăn ngên, tam, tâm di đah luật pháp lam ntŭr neh, geh UNCLOS 1982, ndâk njêng Biển Đông jêng nkual dak lêng đăp mpăn, dăch dêh n’hanh kan ndrel.

Nuĭh rblang: Y Sưng Phê Ja