VOV4.M’nông- Rơh rƀŭn nchră gâl têh SOM ASEAN-Anh bôk năp kơp bâh ntơm rnôk bar ding njêng nău tâm boh kan nchră nău đah bar ding tŏng ăp lĕ rngôch mhe geh ƀư ta thủ đô Luân Đôn, Anh. Ta rơh rƀŭn nchră, kruanh SOM Anh Jenny Bates lah na nê̆ nău tâm ton bâh dak Anh n’hao nău tâm boh kan ndrel đah ASEAN, kơl an nău mĭn kan bâh ASEAN mpeh Ấn Độ Đương Thái Bình Dương (AOIP) n’hanh nău kan ƀư ndranh bâh ASAEN ta nkual, lah na nê̆ nău kơl kan an ASEAN rdâk njêng ntŭk rêh jêng n’hanh tâm rgop doh rklaih ăp nău ntul rlong lam ntur neh, tâm rgop âk ta nău mât đăp mpăn, rnă njrăng ueh lăng n’hanh hun hao ta nkual. ASEAN n’hanh Anh tâm ton tâm rgop ndâk nsơm n’hanh ntrôl dăng nău tâm boh tăch rgâl- ntuh kơl, n’hao nău tâm rgop pă an, nkre lah nthoi kan n’hanh n’hao ăp bôk nău tâm kơl mpeh ntĭm nti, hun hao rnoh nuĭh kan, tâm mbơh mpeh văn hóa uănh nghệ thuật, thể thao, pâl nđaih, tâm nđur mom ndăm, sinh viên...Gay ma n’hao nău tâm gĭt vât ndrel n’hanh n’hao nău tâm rgop tay nuĭh ƀon lan bar ding.

          Nuĭh rblang: Thị Đoắt