VOV4.M'nông: Chính phủ aƀaơ ta Sri Lanka mhe ntơm rơh tâm nchră đah ăp đảng dâk lơh gay njêng du Chính phủ mhe "geh lĕ rngôch ăp mpeh đảng" ta dak dja râng. Tổng thống mhe dơi sơch bah Sri Lanka Ranil Wickremesinghe hŏ geh rơh tâm nchră đah Đảng Tự do Sri Lanka. Rơh tâm nchră nchrăp ntoch jong tâm 1 pơh.Yơn lah, đảng dâk lơh dŭt têh ta dak dja Samagi Jana Balawegaya an gĭt mbra mô râng tâm chính phủ mhe. Tâm rnôk nê, đảng Mặt trận Tự do Quốc gia hŏ njuăl si ƀŭt tât Tổng thống Sri Lanka đah nău ton kơl păng. Đảng Mặt trận Tự do Quốc gia an lah Tổng thống Wickremesinghe hŏ tĭng ƀư ăp njuat hăn ngăn gay dâk jêng tay neh dak./.

Nuĭh rblang: Điểu Thân