VOV4.M'nông: Tahen dak lêng Israel n'hanh Hạm đội 5 bah Mỹ mhe dŭt jêh rơh nti tâm lơh nsum dŭt têh đah bar ding ta biển Đỏ. Rơh nti tahen dak lêng jŏ 10 nar ta dak lêng Địa Trung Hải n'hanh Biển Đỏ mhe dŭt jêh. Aơ lah rơh nti tâm lơh nsum dŭt têh đah bar dak an tât aƀaơ. Lor bôk năp ăp duk grăp ŭnh bah Israel kơt ƀư ngăn kơl troch pring bah du tàu rdeng pring bah Mỹ ta Biển Đỏ. Rơh nti tahen geh nău tât râng bah rlău 600 tahen n'hanh sĩ quan, rgum tâm ăp nău kan mât rnă njrăng nchuăn rdeng dak lêng, nkra bah ndơ rtoh, đăp mpăn nchuăn rdeng dak lêng n'hanh rgum ăp ndơ mpăr mô geh nuĭh ƀĭt. Ma nău kan dja, mpôl tahen dak lêng bar dak tâm pă nău tă ơm gĭt kan n'hao dăng tâm boh têh jong, nkre kơl tahen dak lêng Israel n'hao nău dơi kan./.

Nuĭh rblang: Điểu Thân