VOV4.M’nông-N’gâng kan Taliban lĕ kuăl đă nău kơl an bâh âk dak lam ntur neh lôch rnôk geh nuĭh khĭt yor dak buk ta Afghanistan hao tât 192 nuĭh tâm ăp nar ba năp. Rbăn ndrôk sŭr lĕ khĭt n’hanh 1,7 rkeh tơm sa play lĕ geh chôt pă ta rơh mih sial dak buk mhe nơh, ƀư geh nău mĭn rvê mô tŏng ndơ sông sa đah dak aơ tâm ăp khay sial phuh tât tay. Ta năp nĕ, rơh n’gơ neh dăng rnôk khay 6 lĕ ƀư an rlău 1 rbăn nuĭh Afghanistan khĭt. Liên hợp quốc lĕ rgŏ jă rơh tâm rgop đah rnoh prăk 160 rkeh đôlar gay ma kơl an dak aơ tâm rdâng đah nău tât bâh mih dak buk. Kơp bâh ntơm mpôl tahen Taliban njôt kan mât njrăng Afghanistan, ngih dak Tây Nam Á ăp nar lơ ma băm jru ta ăp rơh tâm rkeh uh ah mpeh wăng sa n’hanh tâm kơl, rnôk ma rmen đôlar bâh ngân hàng trung ươwng mô dơi sŏk dŏng ta dak bah dih n’hanh ăp dak koh n’huch rnoh kơl an. Taliban lĕ âk tơ̆ kuăl đă âk dak lam ntur neh, ngăn lah ăp dak Hồi giáo, geh nău tâm kơl đah dak aơ.

Nuĭh rblang: Thị Đoắt