VOV4.M'nông: Nar ntri (02/08), ta Thủ đô Phnom Penh, Campuchia, Tâm nchră Ủy ban Hiệp ước Nkual Đông Nam Á mô geh ndrak nsiu hạt nhân  n'hanh tâm dâl nău đah ăp Bộ trưởng Ngoại giao ASEAN đah nuĭh Ntơh măt Ủy ban rgop âk Chính phủ ASEAN mpeh nău dơi kon nuĭh (AICHR) hŏ dơi ƀư.

Aơ lah ăp nău kan lor bôk năp tâm trôm nar Tâm nchră Bộ trưởng ASEAN (AMM) tâl 55 n'hanh ăp Tâm nchră geh tât. Ăp Bộ trưởng Ngoại giao ASEAN plơ̆ lah rjăp tay nkô̆ khlay n'hanh rnoh tam bah nău mbơh ASEAN mpeh nău dơi kon nuĭh tâm rdâk njêng nsum mpôl ASEAN rƀŏng tât nuĭh ƀon lan. Ăp Bộ trưởng rhơn rnê AICHR tâm nău an ƀư trong nchrăp kan 2021-2025; ntrŭt nsôr AICHR tâm dâl tay,  ndop tay nău dơi kon nuĭh lơn lah rmôt dơh tât khuch, tâm ăp n'gâng tơm tâm nsum mpôl. Nar aơ 3/8/2022, Tâm nchră Bộ trưởng Ngoại giao ASEAN tâl 55 n'hanh ăp Tâm nchră geh tât mbra ntơm an ƀư nar pah kan lor bôk năp./.

Nuĭh rblang: Điểu Thân