VOV4.M'nông: Tâm nchră Bộ trưởng Quốc phòng ASEAN (ADMM) tâl 16 đah nkô̆ "Tâm rnglăp yor an du nău rêh đăp mpăn tâm ban" hŏ ƀư tâm ôi (22/6) ta Phnom Penh, Campuchia.

 Ta rơh tâm nchră, ăp nuĭh hŏ tâm rkhăch mpeh nkô̆ nău n'hao âk tâm pă nău lư đah nău mĭn mhe Tâm boh dŏng ƀư pháp luật ta dak lêng nkual Đông Nam Á n'hanh ADMM+ tâm trong kan rnă njrăng nchuăn rdeng dak lêng; mpeh nău gŭ mĭn lịch sử tahen gay ntrŭt ntrôl đăp mpăn jŏ jong. ADMM-16 uănh an trong tâm boh đah ăp dak n'hanh nkoch tât du đêt nkô̆ êng ƀa ƀă kơt nchrăp an tâm nchră êng Bộ trưởng Quốc phòng ASEAN (ADMM Retreat) n'hanh tâm nchră Bộ trưởng Quốc phòng ăp dak ASEAN pơk hvi (ADMM+) tâl 9 mbra dơi ƀư tâm khay 11/2022.

Nuĭh rblang: Điểu Thân