VOV4.M’nông - Ntoh ngơi bah năp nuĭh nchih báo, Tổng thống Nga Vladimir Putin an gĭt, Ukraina lĕ hăn rlơ̆ tay ăp tâm ton nchrăp dơi ƀư đah ăp mpôl tâm nchră Nga n’hanh Ukraina ta Ixtanbul ta dŭt khay 3 mhe rlău. Rlău ma nĕ, tĭng wa Putin, ăp rơh tâm nchră đăp mpăn “geh tâm nău kol khan” yor Ukraina lĕ dun kơp dơn Crưm mpeh tâm dak Nga n’hanh nău đăp mpăn bah nkual Donbass. Tâm rnôk nĕ, Ukraina an gĭt, tâm nchră dôl ƀư đah Nga gay lôch nău tâm lơh “dŭt jêr jŏt”. Kơt nĕ, ăp rơh tâm nchră, gay lôch nău tahen bah Nga ta Ukraina jŏ bơi 2 khay aơ tât rnôk aơ lĕ mô nsĭt săk rnglăy na nê̆. Aƀaơ nău têh ngăn ăp ding dôl mâp lah Nga dôl đă Ukraina na nê̆ kơp dơn Crưm lah du gâl bah Nga n’hanh ăp nkual ta Donbass lah ăp dak đăp mpăn êng.

Nuĭh rblang: Y Sưng Phê Ja