VOV4.M'nông: Nar tâl 2 bah Tâm nchră mpeh plơ̆ njêng tay Ukraina ta nkual ƀon têh Lugano, Thụy Sĩ ƀư tâm nô nău rnă njrăng mât lhăt. Tâm nchră rơh dja rƀŏng tâm trong plơ̆ njêng tay ăp ntŭk ntô ndơ dŏng ntung trong, wăng sa, ntŭk gŭ rêh kơt ăp nkô̆ nău rêh  jêng kon nuĭh, kơl rdâk njêng tay neh dak n'hanh jâng wăng sa Ukraina ơm geh hăch rlâm hô tă bah tâm lơh tâm su 4 khay aơ. Chính phủ Ukraina hŏ tor luh trong nchrăp plơ̆ njêng tay neh dak ƀư 3 rơh. Rơh bôk năp dôl dơi an ƀư, rgum kơl nuĭh ndăn ngăch n'hanh nkra tay ăp ntŭk ntô ndơ dŏng khlay an nău rêh ăp nar bah nuĭh ƀon lan. Lôch nê lah rơh plơ̆ njêng tay ngăch jong dah găp, nchrăp ntơm bah năm 2023 - 2025. N'glĕ dŭt lah ƀư uĕh mhe tay neh dak ntơm bah năm 2026 - 2032 gay ƀư Ukraina jêng du jâng wăng sa mbrô nđĭr uĕh n'hanh nchrăp an neh dak ăp tŏng ndơ gay jêng dak lăp kan nsum bah Liên minh châu Âu (EU).

Nuĭh rblang: Điểu Thân