VOV4.M'nông: Tâm nchră rnă njrăng lam ntŭr neh Moscow tâl 10 mhe dơi ƀư ta Liên bang Nga, đah nklăp 700 năch jă tât bah mpôl đă hăn kan tahen bah rlău 70 dak n'hanh mpôl kan lam ntŭr neh râng. Bôk nău kan mbơh gĭt lor njuăl tât rơh tâm nchră, Tổng thống Nga Putin lah rjăp, nô nău lam ntŭr neh aƀaơ rgâl dăng, ăp trong đăp mpăn lam ntŭr neh âk ding dôl luh jêng. Du lam  ntŭr neh âk ding nsing ta ăp nău tâm boh geh nău tâm ban mbra pơk luh trong mhe gay rdâng lơh đah nău tât ntêt nkri nsum. Đah 4 rơh hop rgum, Tâm nchră rnă njrăng lam ntŭr neh Moscow năm aơ rgum tâm ăp nkô̆ nău jăch ndăn tâm trong mât đăp mpăn ntŭk gŭ rêh lam ntŭr neh lah nsum n'hanh rnă njrăng ta nkual Trung Đông, châu Á - Thái Bình Dương, châu Phi n'hanh Mỹ Latin lah êng. Ăp rơh tâm nchră rgop n'hao nău gĭt wât n'hanh kloh rvah ăp nău kan tahen./.

Nuĭh rblang: Điểu Thân