VOV4.M'nông: Mpôl tahen mât njrăng kơh dak lêng Tây Ban Nha, ơm ôi 12/8 (tĭng mông ta ntŭk) hŏ kơl wơt 367 nuĭh dah rŏng ntrơn du mô geh nău way ta nklang gôl dak Canary bah dak dja. Ăp nuĭh ntrơn du dja dơi joi saơ ta 8 bôk duk, tâm nê geh du bôk duk rlơt. Tâm rnoh ăp nuĭh ntrơn du dơi kơl geh lĕ ma kon se ji kop n'hanh bu ur bŭn. Tĭng nchih rgum bah Bộ Nội vụ Tây Ban Nha, kơp tât nar 31/7, geh rlău 9 rbăn 500 nuĭh ntrơn du hŏ chuah rlău dak lêng Địa Trung Hải tât gôl dak Canary bah Tây Ban Nha. Rnoh dja hao 27% rđĭl đah ndrel khay dja năm e nơh. Tĭng uănh năl bah nkual Địa Trung Hải lah trong ntrơn du dŭt klach rvê lam ntŭr neh, đah bơi 20 rbăn nuĭh khĭt n'hanh roh kơp ntơm bah năm 2014 tât aƀaơ./.

Nuĭh rblang: Điểu Thân