VOV4.M’nông - Thủ tướng Thái Lan Prayuth Chan-o-cha nar 19/7 lĕ jăng lơi ăp nău ntôn sa khâm n’hanh mât uănh wăng sa mô jăp tâm nar bôk năp Hạ viện Thái Lan ntơm ƀư bônh jă đah Thủ tướng ndrel 10 nuĭh kan tâm chính phủ. Ta rơh bônh jă, wa Prayuth lĕ jăng lơi nău ntôn, mĭn lah Chính phủ Thái Lan lĕ dơi mkra âk nău an neh dak, kơl rdâk hao nău kan pâl nđaih n’hanh n’gluh an ăp trong mkra prăk kaih gay mkra nău jêr jŏt chôt srê Covid-19 ƀư. Thủ tướng Prayuth Chan-o-cha, 68 năm deh, lĕ rlet rlău 3 rơh nklăch phiếu mô hôm săch kơp bah rơh săch năm 2019, kơl wa mât nâp ƀư thủ tướng Thái Lan an tât aƀaơ. Wa Prayuth ndrel 10 Kruanh n’gâng kan tâm Chính phủ mbra rlet rlău rơh bônh jă jŏ tât nar prăm (22/7), n’hanh du rơh nklăch phiếu mô hôm săch tay nchrăp ƀư tâm nar prao (23/7).

Nuĭh rlang: Y Sưng Phê Ja