VOV4.M’nông – N’gâng kan Mât njrăng bri dak Thổ Nhĩ Kỳ nar nđaơ (18/8) mbơh tàu rdêng tuh koah sĭt bah ndrâm dak lêng Ukraine. Tàu aơ mbra n’hao dĭng lĕ tàu hăn bah ăp ndrâm dak lêng Biển Đen bah Ukraine tĭng tâm ton tăch n’gluh tuh koah yor Liên hợp quốc ƀư ta n’gul hao 25 bôk. Đah nău ƀư tơm ta n’gul, Thổ Nhĩ Kỳ lĕ nta nơih an ăp rơh ndơ tuh koah ăp ndrâm dak bah Ukraine bah nar 1/8, rơh bôk năp kơp bah rnôk geh tâm lơh Nga-Ukraine. Thổ Nhĩ Kỳ ƀư tơm lah trong rdêng khlay đah ndơ sông sa, pă an ndơ sông sa, n’hanh trong ƀư aơ lơ jêng khlay lơn yor duh jêr wăng sa n’hanh tăch rgâl lam ntŭr neh. Thổ Nhĩ Kỳ dôl nsrôih ƀư ta n’gul rsaih nkra nău đah Nga-Ukraine gay rgop đăp mpăn ta nkual n’hanh lam ntŭr neh.

Nuĭh rlang: Y Sưng Phê Ja