VOV4.M'nông: Thủ tướng Anthony Albanese dôl geh hăn khâl Indonesia n'hanh nar ntri (6/6) hŏ geh rơh mâp đah Tổng thống Indonesia Joko Wydodo. Hăn khâl Indonesia ntơm hăn khâl dak bah dih tâl 2 bah wa Albanese kơp ntơm bah rnôk jêng Thủ tướng Australia lôch păng râng rơh hop bah ăp kruanh rmôt Quad ta Tokyo tâm kêng dŭt khay 5. Lah đah mpôl báo chí rnôk hăn tât Jakarta, Thủ tướng Albanese an gĭt păng mô dơn ŭch n'hao dăng tâm boh đah Indonesia ma hôm ta lam nkual Đông Nam Á, lah rjăp nău khlay ƀư rgum tơm bah ASEAN. Tĭng Thủ tướng Albanese, hăn khâl ơm bah mpôl ntơh măt gưl têh Australia mpơl nău khlay bah Indonesia, dak kâng n'har dăch dêh tâm trong kan tâm boh đah dak bah dih bah dak dja./.

Nuĭh rblang: Điểu Thân