VOV4.M’nông: Rdâng đah âk nau ntul rlong tât ndal tă bah nau mô tâm ban tâm nau rêh, ƀư jêng nau hao khlay ndoh ndơ hao âk, ntoh nau mbơh bah năp Thượng viện, Thủ tướng Italia Mario Draghi hŏ kuăl jă nau tâm rnglăp tâm kơl đah ăp đảng chính trị, ndâk njêng nau tâm ton tâm rnơm nsum. Bah năp nê lơ 14/7 mhe rlau, Thủ tướng Draghi hŏ ndŏ săm ƀŭt dăn nsrŭng nau kan bah nơm tât Tổng thống Sergio Mattarella, jêh rnôk Đảng nau kan 5 măng (M5S) mô ndơn nau kơl an bah rmôt kan tâm du nau nklăch phiếu rnơm nau kan bah Quốc hội. Tổng thống Italia hŏ ndŏ săm ƀŭt dăn nsrŭng nau kan ndrel đă nau mbơh tay ta Quốc hội, Thủ tướng kŏ lah rjăp nau kan păng ŭch nsrŭng nau kan bah nơm “lah du nau săch dŭt n’hâm rngot yơn lah geh nau tâm di ngăn”./.

Nŭih rblang: H’Thi