VOV4.M’nông: Di rnôk âk rđau kan tât Châu Âu gay ma râng rơh rƀŭn gưl prêh NATO geh tâm pơh aơ, Thủ tướng Ukraine hŏ njoăl nau jă tât âk rđau kan, tâm nê geh Thủ tướng New Dealand tât khâl neh dak aơ. Yơn lah, wa Jacinda Ardern-Thủ tướng New Dealand mbơh, păng mra mô tât khâl Ukraine, yor jêr geh rnôk ru dôl ma tâm rnôk geh nau tâm lơh. Nau ton lah geh Thủ tướng New Zealand ndơ̆ luh tâm rnôk Nga ndrel rmôt nkhah êng mpeh ba dâng bah Ukraine mro mbơh dôl ma nsĭt tay nau dơi nkân mât njrăng nkuăl neh tâm Ukraine ndrel Thủ đô Kiev bah dak aơ, nkre rdâng đah âk nau rdôl lơh bôk năp kơp ntơm bôk khay 6, lơh khuch ngăn tâm âk ntŭk. Kơp ntơm rnôk nau tâm lơh bah tahen geh ƀư ta Ukraine, New Zealand hŏ kơl an dĭng lĕ 30 rkeh đôla New Zealand gay ma kơl an Ukraine rvăt ndrak nsiu./.

Nŭih rblang: H’Thi