VOV4.M’nông-Thủ tướng Nhật Bản Fumio Kishida mhe geh mbơh rgum ta ăp nău kơl kan gay ma tâm rdâng đah rnoh ŭnh nar hao khlăy n’hanh ndơ sông sa hao khlăy. Wa lĕ lah na nê̆ nău khlăy bâh nău mât đăp mpăn ta nkual n’hanh tâm boh kan geh trong rdâk njêng đah ăp dak kiau meng. Ta rơh tâm nchră nău kơl kan ta năp rơh săch kruanh thượng viện ta nar 10/7, Thủ tướng Nhật Bản mbra geh mbơh doh rklaih ăp nău ntil ndơ hao khlăy n’hanh mât đăp mpăn nău rêh bâh ƀon lan Nhật Bản. Mpeh nchră nău đah dak bah dih, thủ tướng Kishida Fumio an gĭt, mât đăp mpăn ueh lăng n’hanh geh nău kan rdâk njêng đah Trung Quốc lah nău dŭt khlăy aƀaơ. Nău kan rgŏ jă ngăn ngên ta năp rơh săch kruanh thượng viện ntơm ta nar aơ 22/6. Thủ tướng Kishida Fumio, ndrel đah đảng LDP njôt kan mbra joi trong pơk hvi nău dơi tâm thượng viện, gay ma ngăch mbơh ăp nău nchrăp luật tâm ban kơt ndâk nsơm chính phủ.

Nuĭh rblang: Thị Đoắt