VOV4.M’nông: Kêng măng 12/7, tâm nar chang khĭt bah drâu Thủ tướng Shinzo Abe geh ƀư ta ngih Brah Zojoji, ta Thủ đô Tokyo. Bah năp nê, geh nklăp rlau 2.500 nŭih tâm nê geh Thủ tướng Kishida Fumio, Groi Kruanh đảng LDP Aso Taro, Thủ tướng Suga, ăp nŭih rđau kan, ntoh măt ăp dak, nkuăl neh tât chang. Chính phủ Nhật Bản ntrŭnh nau yông cờ khĭt tâm ăp ntŭk kan Chính phủ ndrel ntŭk kan đảng LDP gay ma nkah drâu Thủ tướng Shinzo Abe. Jêh nar chang, săk bah wa Abe geh bu leo tât ntŭk kan bah Đảng Tự do dân chủ, ntŭk kan chính phủ, Quốc hội ndrel leo ƀư ăp nau kan ba kơi. Tâm du nau geh tât đŏng, jêh rnôk geh nau dơi tâm rơh săch kan Thượng viện, nŭih dâk bôk Liên minh Đảng mât bôk lah Thủ tướng Kishida Fumio hŏ geh nau ntoh ngơi bah năp nŭih nkoch nau mhe tâm nê geh nau ton mra lŏ ƀư kơt ăp nau ntĭm đă ê geh dơi ƀư bah drâu Thủ tướng Shinzo Abe./.

Nŭih rblang: H’Thi