VOV4.M’nông - Nar 5/8, Thủ tướng Nhật Bản Fumio Kishida lĕ vơt kruanh Hạ viện Mỹ- wa bu ur Nancy Pelosi dôl geh rơh tât khâl ngăn ngên ta Nhật Bản. Ta rơh tâm mâp, bar ding lĕ tâm mbơh mpeh âk nău ma 2 dak ndrel mât uănh, ngăn lah nkô̆ nău ndâk nsơm rmôt kan Nhật Bản- Mỹ. Rlău ma nĕ, Thủ tướng Kisida lĕ tâm ôp đah mpeh Mỹ nău grăp phao ŭnh Trung Quốc lĕ tup ta nkual wăng sa bâh dak aơ. Thủ tướng Nhật Bản an lah aơ lah du nău dŭt khlăy, ntêt nkri tât rnă njrăng bâh Nhật Bản, nkre lah dăn đă ăp ding an geh nău kan răng dăng ƀư nău tŭn mpet gay ma Trung Quốc rlu dâl rơh nti tahen. Nhật Bản lah ntŭk rlu jâng nglâ̆ dŭt ta rơh hăn pah kan ăp dak châu Á bâh kruanh Hạ viện Mỹ Nancy Pelosi.

Nuĭh rblang: Thị Đoắt