VOV4.M'nông: Thủ tướng Thái Lan Prayut Chan-o-cha an gĭt, dak dja mbra wơt nklăp 20 rkeh năch pâl nđaih tâm năm tât, dah n'gul rnoh âk bah năp nuh srê. Lah ta rơh hop báo mpeh nô nău wăng sa aƀaơ lôch rơh hop chính phủ ăp pơh, Thủ tướng Prayuth an gĭt nău nchroh dja mbra tâm di đah nô nău nuh srê Covid-19 mô jêng tât jru hô n'hanh ta năp măt mô geh nău ntêt nkri mhe đah n'gâng kan pâl nđaih. Bah meng nê, Thái Lan mô hŏ an ƀư trong kan đă năch dak bah dih trok du rnoh prăk nkhôm rnôk hăn pâl nđaih ta dak dja. Bol rnoh ngăch hao wăng sa geh mbrơi tay, nău hao âk tăch n'gluh, lơn lah đah ăp ndơ geh ƀư tuch tăm, tă bah prăk baht jŭr thuk, ntop đah rnoh âk năch pâl nđaih dak bah dih hao âk ndal lah ăp nău mpơl uĕh./.

Nuĭh rblang: Điểu Thân