VOV4.M’nông - Ntoh ngơi ta rƀŭn nchră bôk nău gay rblang nu nău wăng sa n’hanh ndơ̆ an ăp nău kan an trong kan wăng sa khay tât, Thủ tướng Trung Quốc Lý Khắc Cường an lah, tâm rnôk aơ, ăp n’gor geh jâng wăng sa têh an hăn lor n’hanh ƀư tơm ntop kơl tâm nău đăp mpăn jâng wăng sa Trung Quốc. Tĭng Thủ tướng Trung Quốc Lý Khắc Cường, jâng wăng Trung Quốc rdâk hao tay n’hanh hun hao tâm khay 7, yơn lah hôm e geh âk nău rgâl jêt. Trong kan khlay ngăn, jăch ndăn ngăn aƀaơ lah an nâp nâl gay rdâk hao, đăp mpăn n’hanh hun hao jâng wăng sa. Thủ tướng Trung Quốc an lah, đăp mpăn wăng sa lah đăp mpăn prăk kaih n’hanh knŭng ăp nău ngăn ntŭk tăch rgâl đăp mpăn ri jâng wăng sa n’hanh nău ƀư mhe đăp mpăn. Yor nê, an n’hao ntop kơl ăp doanh nghiệp gay ăp doanh nghiệp wăch rgum tay ntŭk pah kan.

Nuĭh rblang: Y Sưng Phê Ja