VOV4.M'nông: Tổng thống Brazil Jair Bolsonaro an gĭt păng  hŏ joi geh trong ƀư gay dŭt bah tâm lơh ta Ukraine n'hanh nchrăp mbra geh rơh kuăl điện tâm nchră đah Tổng thống Ukraine Volodymyr Zelensky tâm pơh bah kơi tay. Na nê̆ mpeh trong nchrăp bah tâm lơh ma wa Bolsonaro dăn đă mô hŏ dơi mbơh, yơn uănh năl rơh tâm lơh dja mbra dơi nkra bah kơt tâm lơh đah Argentina n'hanh Anh dŭt bah tâm năm 1982. Tổng thống Brazil way mât nău mĭn gŭ rglah klang n'gul rơh tâm lơh ta Ukraine n'hanh dun râng tâm ăp nău nsrôih bah Mỹ mât bôk đah mpăng êng n'hanh lơh hŭch hêng jâng wăng sa Nga ma ăp trong rmal. Pơh bah năp nơh, Brazil mhe rvăt âk phân poh n'hanh geh trong nchrăp rvăt pring diesel rnoh thuk bah Nga. Tổng thống Brazil Jair Bolsonaro an lah: "Rơh tâm lơh dja dôl ƀư jêng tăch pruăt têh, đêt khuch tât Brazil yơn khuch âk lơn tât châu Âu".

Nuĭh rblang: Điểu Thân