VOV4.M'nông: Tổng thống Indonesia Joko Widodo nar ntri (15/6) nău mbơh dăp rgum tay Chính phủ, rgâl 2 Bộ trưởng n'hanh n'hao 3 Thứ trưởng mhe. Tổng thống Joko Widodo hŏ ntăm an wa Zulkifli Hasan, Kruanh Đảng National Mandate (PAN), Bộ trưởng Lâm nghiệp ơm, ƀư Bộ trưởng Thương mại mhe, rgâl wa Muhammad Lutfi. 

Wa Hadi Tjahjanto- Tư lệnh Mpôl tahen Indonesia (TNI) năm kan 2017-2021 dơi ntăm an ƀư Bộ trưởng Nông nghiệp n'hanh Quy hoạch không gian, rgâl an wa Sofyan Djalil. Tổng thống ntăm an 3 Thứ trưởng mhe mpeh Bộ Nhân lực, Nông nghiệp n'hanh Quy hoạch không gian n'hanh Bộ Nội vụ. Tổng thống Joko Widodo an lah rgâl mhe rơh dja mbra kơl an Chính phủ kan geh nău tam lơn, njrăng tay an lah nkô̆ nău ndơ sa n'hanh hao khlay ndơ hŏ jêng nkô̆ nău lam ntŭr neh n'hanh du rơh rgâl mhe khlay./.

Nuĭh rblang: Điểu Thân