VOV4.M’nông- Tĭng nău mbơh bâh n’gâng kan nchră nău đah dak bah dih Trung Quốc, Tổng thống Indonesia Joko Widodo mbra tât khâl Trung Quốc ta pơh tât tay. Aơ lah trong hăn rlu jâng bôk năp bâh păng ta rơh tât khâl Đông Á bôk năp lôch nuh srê têh. Tâm nău mbơh ndơ̆ mbơh, nuĭh ntoh ngơi n’gâng kan nchră nău đah dak bah dih Trung Quốc Hoa Xuân Oánh an gĭt, rơh tât khâl bâh Tổng thống Indonesia Joko Widodo mbra geh ƀư bâh nar 25-26/7 tĭng nău jă bâh kruanh Trung Quốc Tập Cận Bình. Ta rơh rƀŭn nchră ăp khay, wa Uông Văn Bân, du hê nuĭh ntoh ngơi êng bâh n’gâng kan aơ an gĭt tay, ta rơh tât khâl, kruanh Tập Cận Bình n’hanh Thủ tướng Lý Khắc Cường mbra geh ăp rơh tâm nchră n’hanh tâm mâp đah Tổng thống Joko Widodo, rgum hăn jru ta nău tâm boh kan mpeh nău mĭn kan bar ding tâm ban kơt ăp nău ta nkual n’hanh lam ntur neh khlăy.

Nuĭh rblang: Thị Đoắt