VOV4.M’nông-  Tổng thống Indonesia Joko Widodo nchrăp tât khâl Trung Quốc ta dŭt khay 7 aơ. Nuĭh dâk bôk năp ntŭk kan Tổng thống  Indonesia, wa Heru Budi Hartono, uănh năl nău mbơh mpeh rơh tât khâl Trung Quốc bâh Tổng thống Joko Widodo, an gĭt, ntŭk kan Tổng thống dôl tâm nchră n’hanh nchrăp an rơh tât khâl aơ. Ta năp nĕ, tâm du nău nchih ta Instagram, kruanh n’gâng kan mât pă uănh ăp nău mpeh dak lêng n’hanh ntuh kơl Indonesia Luhut Pandjaitan an gĭt Indonesia lĕ mbơh nău nchrăp tât khâl Trung Quốc ta dŭ khay aơ bâh Tổng thống  Jokowi ta rơh rƀŭn nchră tal 2 nău nchrăp kan n’hanh tâm nchră gâl têh  Indonesia – Trung Quốc geh ƀư ta Bali, Indonesia nar 9/7. Tĭng nău mbơh bâh wa Luhut, rơh tât khâl Trung Quốc bâh Tổng thống Joko Widodo gay ma ntrôl tâm kơl đah bar dak, ngăn lah ta trong kan wăng sa.

Nuĭh rblang: Thị Đoắt