VOV4.M’nông – Nar 14/7, Tổng thống Pháp Emmanuel Macron lĕ kuăl jă ƀon lan dak Pháp nti n’hŭch dŏng ŭnh nar aƀaơ dâl, nkre mbơh an chính phủ Pháp mbra ơm an mbơh nău kơl ntêm nkrem ŭnh nar yor rvê nău Nga koh n’hŭch lĕ rngôch pă ndơ su. Ơh nău báo chí ta nar ƀư mbah rhơn Quốc khánh Pháp 14/7, Tổng thống Emmanuel Macron djôt dơn dak Pháp an nchrăp dâl tâm rnôk aơ gay rdâng đah nău ƀư Nga koh n’hŭch lĕ rngôch pă ndơ su an châu Âu. Nău rƀŏng ma wa Macron ndơ̆ luh, nĕ lah tât năm 2024, dak Pháp mbra dŏng ntêm nkrem ŭnh nar đêt ngăn rlău 10% nkôp đah rnoh dŏng aƀaơ. Aƀaơ hin, Pháp ndrel âk dak châu Âu êng dôl dŭt n’hâm rvê nău Nga mbra koh n’hŭch lĕ rngôch pă ndơ su.

Nŭih blang: Y Sưng Phê Ja