VOV4.M’nông: Tổng thống Mỹ Joe Biden hŏ đă yông cờ khĭt tâm Nhà Trắng, ăp ngih kan bah liên bang, ăp nkuăl geh âk nŭih hăn ro ndrel ăp ntŭk gŭ kan bah tahen ân lôch lơ 10/7 gay ma nkah tât Thủ tướng Nhật Bản Shinzo Abe, nŭih mhe tă yor geh bu pănh tâm lơ 8/7. Tâm du nau ton lah, Tổng thống Biden lah rjăp, wa Abe lah du hê băl pah kan nsum tâm dăch ngăn bah Mỹ ndrel tă pah kan đah âk Tổng thống Mỹ bah lĕ 2 đảng gay ƀư jru nâp tay nau tâm boh đah 2 dak kŏ kơt lah ntrŭt dăng du tŏ tay đŏng nau uănh nsum mpeh Ấn Độ Dương-Thái Bình Dương dah rŏng ndrel pơk hvi. Tổng thống Biden njoăl nau rngot tât rnăk wa Abe ndrel lah rjăp, Mỹ mra ndrel Nhật Bản tâm rnôk geh nau rngot aơ./.

Nŭih rblang: H’Thi