VOV4.M’nông- Nar 17/6, Tổng thống Mỹ Joe Biden leo rơh rƀŭn nchră gâl têh trực tuyến rơh tâm mâp ăp n’gâng kan wăng sa têh mpeh ŭnh nar n’hanh mih sial. Aơ lah nău nsrôih bâh Mỹ tâm nău dŏng lĕ rngôch ăp nău kan tâm rdâng đah rơh uh ah mpeh rgâl trôk nar mih sial, doh rklaih nău ndal mpeh rnoh hao pring xăng ta lam ntur neh ntoh luh bâh rơh tâm lơh tâm su Nga- Ukraine. Rơh rƀŭn nchră aơ gay ma ntrôl đă Mỹ n’hanh ăp dak kan ndrel, ăp nuĭh kan ndrel mpŏng tât rnă njrăng ndơ sông sa n’hanh ŭnh nar jŏ jong. Nkô̆ nău ăp rơh rƀŭn nchră ta năp way geh rgum ta nău njrăng rgâl nău tât bâh mih sial. Yơn lah, ta rơh rƀŭn nchră năm aơ, nău ŭnh nar mbra dơi geh nkah âk lơn rnôk ma rnoh khlăy pring xăng ta lam ntur neh hao ndal dŭt khlăy tâm bar pe jât năm ba năp ƀư an rnoh prăk mô khlăy n’hanh rnoh ăp ntil ndơ dŏng hao dŭt khlăy.

Nuĭh rblang: Thị Đoắt