VOV4.M’nông- Nar 14/7 , Tổng thống Mỹ  Joe Biden n’hanh Thủ tướng Israel Yair Papid ký tâm ton nău mbơh nsum Jerusalem. Bâh nĕ, du tơ̆ tay lah na nê̆ nău tâm ton bâh Mỹ tâm du nău mbơh khlăy ta nkual, nău mât đăp mpăn rnă njrăng bâh Mỹ đah Israel tâm ban kơt nău hạt nhân bâh Iran. Ntoh ngơi ta rơh rƀŭn nchră lôch geh ký nău mbơh nsum Jerusalem, Tổng thống Mỹ lah na nê̆ nău kơl jŏ jong n’hanh tâm ban bâh Mỹ đah trong kan 2 dak n’hanh mpŏng tât ntrôl nta nău dơh nơih an nuĭh ƀon lan Israel n’hanh Palestine geh dơn ăp trong kan tâm ban mât đăp mpăn an rnă njrăng, ueh lăng n’hanh têh hao. Mpeh đah Iran, Mỹ ton mbra mô an Iran mât phao blêu hạt nhân, mbra lah na nê̆ “dŏng ăp nău kan bâh soan dăng ngih dak” gay ma mât đăp mpăn nkô̆ mpŏng kan aơ. Rlău ma nĕ, nău mbơh nsum Jerusalem lah na nê̆ nău tâm boh kan nâp nâl đah Mỹ n’hanh Israel, ton nâp nâl bâh Mỹ đah rnă njrăng bâh Israel, tâm ban kơt ntrôl nău tâm boh kan đah Israel n’hanh ăp dak Ả rập.

       Nuĭh rblang: Thị Đoắt